संविधानपछि बन्नुपर्ने कानूनहरू बनाउन ढिला भयो : विश्वप्रकाश शर्मा
काठमाडौँ : नेपाली काग्रेसका महामन्त्री विश्वप्रकाश शर्माले संविधान कार्यान्वयनको लागि बन्नुपर्ने कानूनहरु बन्न नसकेको बताउँदै संसदीय समितिहरूले गुणत्मक रुपमा काम गर्नुपर्ने बताएका छन्।
बिहीवार राज्य व्यवस्था तथा सुशासन समितिको बैठकमा बोल्दै महामन्त्री शर्माले संविधानपछि बन्नुपर्ने कानूनहरु बनाउन ढिलाई भइरहेको बताए।
उनले बन्न बाँकी कानूनहरु बनाउन संसदीय समितिहरुले उपसमिति गठन गरेर कानूनी अभ्यास गर्न जरुरी रहेको बताए।
उनले समितिमा सांसदहरुको उपस्थिति संख्यात्मकभन्दा गुणात्मक बनाउन उपसमितिमार्फत काम गर्न उनले सुझाव दिए। उनले संघीय निजामति विधेयकलाई जनमुखी बनाउनुपर्ने धारणा राखे।
उनले मुस्कानसहितको सेवा नभई सेवाग्राही मुस्कुराउने गरी सेवा प्रवाह हुने गरी विधेयक ल्याउनुपर्ने बताए।
प्रकाशित मिति: बिहीबार, माघ १०, २०८१ २०:५६
प्रतिक्रिया दिनुहोस्
